Arti i Edukimit
-
350Lekë
-
Shtëpia Botuese: Furkan
- Autori: Kujtim Kasami
- ISBN: 978608261846 Numri i Fletëve: 135
Natyra i urren përtacitë e të gjitha formave. Ajo u jep jetë dhe vazhdimësi vetëm atyre elementeve që vihen në përdorim, kurse ato që nuk përdoren, i skarcon, i hedh tej. Lidheni njërin krah, këmbë ose cilëndo pjesë të trupit dhe mos e vini në përdorim për një kohë të caktuar. Do të shihni se kjo pjesë e trupit, që nuk kryen funksionin e vet, shumë shpejtë do të pësojë atrofi dhe do të mbetet si e pajetë.
Ndryshoje rregullën dhe jepini kësaj gjymtyre që kishit lidhur, dorës apo këmbës, më shumë punë sesa duhet, njësoj siç bën dora e një farkëtari në punishten e tij me çekan në dorë gjatë gjithë ditës, dhe ju do të shihni që ajo pjesë a gjymtyrë, në rastin tonë dora, do të bëhet e fortë, do të zhvillohet. Fuqia rritet nga dijet, njohuritë e organizuara, por mendja dhe truri juaj rriten nga vënia në punë e tyre. Njeriu mund të bëhet enciklopedi shëtitëse e dijes dhe e njohurive pa zotëruar apo pasur ndonjë forcë apo pushtet të vlefshëm.
Këto dije e njohuri bëhen fuqi vetëm nëse organizohen, klasifikohen dhe vihen në zbatim.