Historitë E Profetëve
-
1,820Lekë
-
Shtëpia Botuese: FURKAN
- Autori: Amër Halid
- ISBN: 978-9989-74-7 Numri i Fletëve: 600
Qëllimi i historive të profetëve
Ti forcojë besimtarët dhe t'i bëjë të qëndrueshëm.
Thotë Zoti në Kur'an rreth kesaj: "Të gjitha këto që t'i rrëfyem ty nga lajmet e profetëve, jane që ta forcojnë zemrën tënde.
Në to të ka ardhur e vërteta dhe këshilla, si dhe përkujtime për besimtarët." (Hud: 120)
Qëndrueshmërinë e besimtarit në besimin e tij, është diçka që na e mëson dhe Profeti me lutjet e tij, ku thoshte: "O Ndryshues i gjendjes së zemrave, ma forco zemrën në fenë tënde." (Tirmidhiu, nr. 3522)
Gjatë jetës, njeriut i ndodhin sprova dhe fatkeqësi të ndryshme, të cilat i kanë përjetuar dhe profetët.
Në raste sëmundjesh, për shembull, të shfaqet historia e Ejubit (alejhis-selam]: "(Përkujto) Edhe Ejubin kur iu drejtua Zotit të vet me lutje: Më ka prekur e keqja, Ti je më Mëshiruesi ndër Mëshiruesit!
Ne iu përgjigjëm atij nga mëshira Jonë, ia hoqëm ato vështirësi që kishte, i dhamë familjen e tij dhe aq sa ishin ata, dhe e bëmë përkujtim për të devotshmit." (El-Enbija: 83-84)
Ai u sprovua me një sëmundje të rëndë, e cila as nuk mund të imagjinohet.
Kur të lexosh mbi historinë dhe sëmundjen e tij, do të dish si ta përballosh më mirë sëmundjen tënde.
Kur lexon historinë e Ejubit (alejhis-selam) gjen forcë për të përballuar fatkeqësitë me të cilat të përplas jeta.
Humbja e fëmijës është një nga fatkeqësitë më të rënda për prindërit.
Të shumtë janë të rinjtë që ndahen nga kjo jetë për shkak të aksidenteve.
Ndikimin e madh që lë tek prindëri vdekja e fëmijëve, e shohim tek vetë profeti Muhammed (sallall-llahu alejhi ve sel-lem).
Kur i vdiq djali i tij, Ibrahimi, ai thoshte:"Syri loton, zemra pikëllohet dhe ne për vdekjen tënde o Ibrahim jemi të zemëruar.
Por nuk themi veçse gjëra që kënaqin Zotin tonë:Të Zotit jemi dhe tek Ai do të kthehemi" (Buhariu, 1303)
Nëse vetë Profeti (sal-lall-llahu alejhi ve sel-lem) prekej kaq shumë nga vdekja e të birit, po ne sot...?!
Jakubi (alejhis-selam] humbi djalin e tij, Jusufin (alejhis-selam), dhe pas njëzet vitesh humbi dhe djalin tjetër, Beniaminin.
Megjithatë, ai tha: "(Mua nuk më ka mbetur tjetër veçse) Durim i mirë, shpresoj që Zoti do të m'i sjellë të gjithë." (Jusuf: 83).
Teksa lexon historinë e Jakubit (alejhis-selam) do të dish si t'i përballosh më mirë fatkeqësitë dhe humbjen e njerëzve të afërt.