Fjalor i Orientalizmave Në Gjuhën Shqipe
-
2,500Lekë
-
Shtëpia Botuese: AIITC
- ISBN: Numri i Fletëve: 1202
Tahir Dizdari është një pinjoll i një familjeje intelektuale shkodrane prej disa brezash.
Ai lindi në Shkodër më 1900.
Pas përfundimit të studimeve në Mejtepin Asqerie; ndoqi Kolegjin Saverian me përfundime "shkëlqyeshëm" dhe vazhdoi arsimin e lartë në Turqi.
Ai shërbeu në administratën e lartë shtetërore gjatë viteve 1925-1939 dhe u aktivizua si publicist, kritik dhe polemist në organe të ndryshme të shtypit.
Pas pushtimit fashist, për pikëpamjet e tij nacionaliste, ai u internua në Itali (1939-1942).
Ndërsa në vitin 1951 ai u burgos për qëndrimine tij antikomunist.
Për njohjen shumë të mirë të gjuhës orientale, ai, gjate viteve 1965-1972 "pranohet" si bashkëpunëtor i Institutit të Gjuhësisë.
Ka bërë gjurmime dhe hulumtime në folkloristikë.
Institutit të Gjuhësisë i dorëzoi materialin tepër të vyer prej 200 faqesh me "Fjalë të pambledhura nga fjalorët tanë".
Si orientalist me emër, në vitin 1972 u ftua nga institucioni shkencor me famë botërore "College de France", për të marrë pjesë në Kongresin XXIX të orientalistëve.
Por kjo gjë nuk u realizua, për shkak se ai ndërroi jetë para zhvillimit të Kongresit.
Më 1995, Tahir N. Dizdarit iu dha me dekret presidencial Nr: 1252 dt. 16.10.95 urdhri "Naim Frashëri" Klasi I-rë për "Kontribut të shquar në zhvillimin e shkencave albanologjike".
Vlerësime të larta iu bënë më vonë kontributeve të tij nga akademikë ë shkecëtarë të rinj me rastin e simpoziumit ndërkombëtar të mbajtur në Prishtinë më 1995, si dhe me rastin e përkujtimit të 25-vjetorit të vdeksjes së tij, organizuar nga Instituti i Gjuhësisë në Tiranë, në vitin 1997.