Më mësoi babai im, me Ademin prej baltës në baltë
-
600Lekë
-
Shtëpia Botuese: Ajan Books
- Autori: Selman Ouda
- ISBN: 978608607357 Numri i Fletëve: 262
Isha veçse një fëmijë atëhere kur ndjeva atë hapësirë vigane
dhe luzmën e viteve midis meje dhe Ademit – mëshirë qoftë mbi të. Një ndjenjë
që ngjasonte me një farë lloj shkëputjeje nga atësia e tij. Në atë largësi u
shënua një ndarje, një njohje, një vragë dhe një dridhmë. Në kujtesën time s’ka
asgjë tjetër rreth tij, veç mëkatit dhe rënies. As në zemrën time s’ka asgjë
tjetër rreth tij, përveç një qortimi pëshpëritës: Përse na nxore nga parajsa?
I kishim të gjitha gjasat që të ishim atje; të vilnim nga parajsa
gjithçka dëshironim; të mos i jepnim lamtumirën të dashurit; të mos mbanim zi
për të ikurin dhe të mos krijonim kuvende ngushëllimi…
Mundej që të mos bëheshin ato luftëra, që as foshnja të mos
jepte shpirt duke thithur gjirin e mëmës; as deti të mos e nxirr te kufomën; të
mos shembej godina mbi fëmijën, dhe të mbyste britmën dhe të qarën e tij…
Mundej që vajza e re të mos qante për një tradhti; as i varfri për shkak të një skamjeje; as i sëmuri për shkak të një sëmbimi; as një i pastrehë për një copë karton.